《天空潛水》
黎到Cairns第一日，覺得 真 係 好 悶 阿。整齊規律既生活到底係悠閑定係悶到生菇，其實只係一線之差。個個攤係草地直至d草生曬入個腦入面，唯一既刺激或者就係𥄫女，不過要有心理準備會愈𥄫愈自卑。
為左平衡下心理，第二日一早就去挑戰skydive。對於呢一日我係香港已經幻想過好多次，次次都緊張刺激。但反而黎到今日，我竟然小小緊張都無。
講明先，我係對刺激要求度極高。坐左一個鐘車倒黎到跳點，快快著衫、快快上機、快快跳，全程唔使半個鐘。至於14000ft跳落黎的感覺嗎？有兩秒離心力，係真係好勁好勁既離心力。之後你會感覺到好凍、好大風(大風到就快透唔到氣果隻)、同埋條安全帶就快cool死你。再之後就係一大片田園景色，當然你可以選擇係沙灘降落，只要你有錢，要無敵大海景都是無問題的。
包接送包相包片335澳幣，大約千八蚊港紙。如果你問我值唔值，我會話以市場定位黎講其實算係禁。但刺激度就一般啦(絕對唔夠等後補機位刺激)認真，係有小小失望既。至於感動度，純粹黎自一望無際既藍天白雲草原，已經好足夠。
一生人一次, 唔跳唔知身體好。有時失望先知原來自己可以承受幾多。
What doesn't kill you make you stronger.
Bucket list: Skydive checked
Ps 攝於第一秒跳落黎，隻手重未打開
Search